mizo gothic story - the final chapter

(Note: The story is purely fiction and does not, in any way, relate to the life of anyone. He thawnthu hi ka phuah liau liau ani a, mahse thawnthu dang in lo chhiar tawh nen inanna alo awm anih chuan min notify hram turin ka ngen che u. I hate plagiarism just as much as I don't want to be part of it)

Thil pakhat ka sawi duh chu- horror story nen ngaihpawlh lo hram turin ka ngen che u. Gothic story anih angin supernatural chu a tel ngei tur chu a ni alawm, mahse horror story anih loh ang bawkin khawngaihtakin a hrang vel ai chuan a gothic originality min en sak hram hram turin ka ngen che u.

                Chumi tuk nileng chuan engmah chanchin kan hre zui ta si lova, nagih a tha duhlo kher mai. Mahse zanah chuan kan han titi chuan Pathian kan lo hlat zia te sawichhuakin, Pathian chu min tanpui turin tawngtai chungin kan ngen ta a. Ka inthiamlohna zawng zawng chu Pathianin thawklehkhata min rawn lak kian sak ang mai hian ka zang a, ka hlim bawk a, midang pawh ka awm ang chuan an awm ve niin ka hria.

                Thlarau Thianghlim chuan kan vai chuan min rawn khawih a, chutah tak chuan Vantirhkoh hi kan hmaah alo ding a. Eng hian min hual pup mai a, ka harh chhuah leh chuan May hi ka bulah a lo thu reng mai a, mak ka ti hle mai. Ka han hawi kual a, Aizawl Civil Hospital ah ka lo mu reng chu niin a mak kher mai. Ka thianpa leh Esther te pawh chu a awm ve bawk a, mahse Pi Biaki hmel hmuh tur reng2 hi a awm lo. 

                Ka chhungte thil awmzia ka'n zawt chiang a, ani lah chuan accident ka tawh thu leh coma a ka awm thu te, ka harhchhuah pawh an beisei tawh loh zia te chu lawm vanga mittui tla ti hriat tak chuan min han hrilh a, mak hi ka ti tulh2 mai. Mahse a hma ka chunga thil thleng zawng2 kha tumah ka hrilh ngai bawk hek lo, a chhan pawh tumahin min awih sak ka ring lo atin ni.

          Keipawh chu ka tha chho ve zel a, engmah pawh chu ka ngaihtuah zui lem hlei lova. Amaherawhchu, nimin (ka accident atanga thla 13-na chiah chiah) khan Pi Biaki ka tawk thut mai a veng pakhatah, min hria ang taka min seih avang chuan ka va pan hnai ta a. A thusawi chuan min thawng kher mai, "Ka pawt let dawn che he khawvel ata" ti hian a sawi a. Ka hlauh ai mah chuan mak ka tia ka inngaihtuah a, chutia kan han en leh chuan a lo awm tawh lova. Nikhawhrelova ka awm laia thil thleng kha a bo mai ka hlau a, ka ziak thla ve ta ngawt a. Ka chungah engpawh lo thleng se in hriatthiam nan tiin. The End