zatais

As the sun kisses the horizon,
The wind whistling across the ruined landscape
Is a whispered accompaniment to nature's reclamation of Man's works.
All My serenity, all My peace, all My inner tranquility disappears
As I reclaimed the familiar thoughts of the past I thought I'd put to rest.
The sudden arrival of these thoughts struck an ominous note.
I was scared and I knew that something was bearing down on me.
But I didn't know what... And even if I had known, I wouldn't have felt any better.
I couldn't sleep as my thoughts raced each other.
With the arrival of twilight, I came back to the world of reality,
Where mortality is rated.
You didn't sleep either...
Why is it that the noblest people are the ones most troubled by conscience?
Are you not the noble one?
I always thought you were hard hearted... And now I know why...
Because your heart is made of pure gold.
But I will not be betrayed by My human weakness.
It is beyond the range of My thinking
To comprehend the cause of My distress.
And so... must it end in pain and madness?
I have felt an unknown emotion stirring in My heart
For I will love you always...
"It is better to be free with nothing,
Than to be enslaved within luxury", they say.
And what if we were free within this luxury?
I'm not sure that is possible...
Not unless the luxury were shared...
Just like we share each other's love.

mizo gothic story - 28th chapter

(Note: The story is purely fiction and does not, in any way, relate to the life of anyone. He thawnthu hi ka phuah liau liau ani a, mahse thawnthu dang in lo chhiar tawh nen inanna alo awm anih chuan min notify hram turin ka ngen che u. I hate plagiarism just as much as I don't want to be part of it)

Thil pakhat ka sawi duh chu- horror story nen ngaihpawlh lo hram turin ka ngen che u. Gothic story anih angin supernatural chu a tel ngei tur chu a ni alawm, mahse horror story anih loh ang bawkin khawngaihtakin a hrang vel ai chuan a gothic originality min en sak hram hram turin ka ngen che u.

                Mary chuan he inchhungah hian a thiltihtheihna a hman theihloh avangin thla pawh a muang hle mai a. Mary leh Mary hi mi thuhmun pawh nise, thil thenkhatah chuan May thiltih hi a hre vek bik lo ani. A chhan chu May hian thiltihtheihna a nei ve thova, Mary tan chuan May hi a thuhnuaia dah vek chu har ve awm tak chu ania. Mahse tukverh a han dah chhuah chuan thil engemawni hian chak deuh deuhvin min tlan hual thuak thuak hian a hriat a. Mahse May chuan min hum tlat avang chuan engmah a thleng lova mahse pawn lamah chuan thawm a tam tho mai.

                He inah hian May aiin Mary a chak lo dawn zawk a, amaherawhchu Mary hian thiltihtheihna a ngah zawk avangin May hi a tang rei thei lovang tih chu a hlauhawm tho mai. Mary hi kan koh theih chuan Pi Biaki hian a dawi hlain a lo chham khum anga, May hian a chakna a lo hmang ve bawk dawn a ni. An hlawhtlin theih chuan mihring pangngai angah (thlarau chu nei chuang lova mahse a taksa a thi thei dawn a ni) an siam anga chumi chhung chuan keini midang ho chuan Mary chu kan dahthat a ngai dawn a. Mahse hemi thilah hian May hi kan chan thei tlat a ni.

                Pi Biaki tih tur ber chu May leh Mary lak hran an ni anga, May erawh chuan a thiltihtheihna a lo ti chauh sak dawn a ni. Mahse tawktar atan Esther hi kan hman a ngai dawn a ni, a chhan pawh Mary hian Esther thlarau hi chhuhsak a tum hmasa ber niin May chuan a sawi a. Chuvang chuan Esther nunna pawh hi a derthawng hle dawn a ni. Mary hi kan koh a ngaih chhan chu May hi a rukin a hlau ve tho mai a, a tel lovin engmah a ti thei bik si loh vang a ni. Tichuan May thiltihtheihnain Esther chu veng reng chung chuan pawn lamah chuan a chhuak ta a... to be contd.

http://valpuiasailo.blogspot.com/2011/03/mizo-gothic-story-final-chapter.html

A chung ami khi final chapter link

mizo gothic story - 27th chapter

(Note: The story is purely fiction and does not, in any way, relate to the life of anyone. He thawnthu hi ka phuah liau liau ani a, mahse thawnthu dang in lo chhiar tawh nen inanna alo awm anih chuan min notify hram turin ka ngen che u. I hate plagiarism just as much as I don't want to be part of it)

Thil pakhat ka sawi duh chu- horror story nen ngaihpawlh lo hram turin ka ngen che u. Gothic story anih angin supernatural chu a tel ngei tur chu a ni alawm, mahse horror story anih loh ang bawkin khawngaihtakin a hrang vel ai chuan a gothic originality min en sak hram hram turin ka ngen che u.

                Kan va chhuah chuan ruah a lo sur cherh cherh a, lung ati zing zual duh kher mai. Kalna tur lam pawh hre lem lo chuan kan kal kual chu a ni deuh ber mai. Mahse engemawni chuan min mawlh deuh hian a lang, pan bik nei ni awm tak chuan hmanhmawh zetin kan kal thova. Kan kal zel a, kawtthler pakhat hi alo awm a, chumi zawh zel chuan kan kal a. Ruah chu a sur cherh cherh nain khua chu a dur lem lo, a vawt hran lem lova mahse vei vel chu a ti buaithlak tho mai.

                Chumi kawtthler hrula in pakhat chu ka han melh a (a chhan pawh ka hre bik lem lo) tukverh atang chuan tu emawni hian min lo thlir reng ni mai hian ka hmu pek a. Ka thil hmuh chu ka thianpa leh Esther chu ka han hrilh a, chutah Esther chu a han tlan lut a. Kan han zui luh ve chuan Pi Biaki nikhawhrelova a lo mu chu kan hmu a. Kan theihtawkin kan buaipui a, kan han tuamlum bawk a (ka sawi tawh ang khan he khawvela kan kal hnu hian kan riltamin tuihal kan nei ngai lo).

                Tlailamah chuan Pi Biaki pawh chu a rawn harh ve ta a, mahse engmah a sawi lo, a chau tih chu a lang reng mai a. Tihbuai chu kan hreh tlang nain ka han zawt lui a kan awm zel dan tur (khua te a tlai tawh bawk nen). A ni chuan In pakhatah kan awm a ngaih thu min hrilh a. Pi Biaki min hrilh ang zel chuan kan kal a, amah hi ka thianpa nen kan inpuak chhawk deuh reng bawk. Chu In kan va thlen meuh chuan khua pawh a lo thim tawh a, kan awmna atang khan he In awmna hi a hla hle mai, mahse kal chak thei ni hek lo chu a awm ve tho e.

                Zan (dar 10 vel bawr turah ka ngai) ah chuan May chu a rawn kal ta a. Khatia a bo thut mai kha ama tih niin, Mary tih a lo ni lova. A chhan pawh Mary thiltheihtheina a nasat em avang chuan keimahni tan a chakna neih chhun chuan min lo veng thin a lo ni a. Mary a lo lan khan a chakna a tlahniam ve zel si a, chuvang chuan keimahni tan a lo in khek a ni. Ka han kuah a, a taksa chu a vawt kher mai. A hnu lawkah May chuan Pi Biaki chu a thiltihtheihna hmang chuan chakna te a han pe a.

                Pi Biaki a bo hma lawk khan May hian Pi Biaki rilruah he In tuna kan awmnaah hian hruai turin leh, he In awmna hi a rilruah a lo dahsak tawh a. Chu chu hriain Mary chuan Pi Biaki hi hmun hranah a lo dah a ni. Kan vanneih a siamin Pi Biaki hi kan va hmuchhuak kha a nia. He In kher hi May hian kan awmna atan a tih chhan chu Mary thiltihtheihna huangchhung ah a awm lo a ni awm e. Chutah bula kan tan tak tak dawn ta niin a lang.... to be contd.

mizo gothic story - 26th chapter

(Note: The story is purely fiction and does not, in any way, relate to the life of anyone. He thawnthu hi ka phuah liau liau ani a, mahse thawnthu dang in lo chhiar tawh nen inanna alo awm anih chuan min notify hram turin ka ngen che u. I hate plagiarism just as much as I don't want to be part of it)

Thil pakhat ka sawi duh chu- horror story nen ngaihpawlh lo hram turin ka ngen che u. Gothic story anih angin supernatural chu a tel ngei tur chu a ni alawm, mahse horror story anih loh ang bawkin khawngaihtakin a hrang vel ai chuan a gothic originality min en sak hram hram turin ka ngen che u.

                 Chutih lai tak chuan Mary kha a rawn inlan thut mai a, min rawn pan hnai lai hmel chu a tihbaiawm kher mai. Mahse a rawn kal hnaih tak zelah chuan min tihnat a hreh dawn lo tih a lang reng mai. Tlanchhiatpui tumin Pi Biaki chu a banah ka han chelh a, mahse a taksa pum chu a sawm nuaih mai a vaivut ang hian. Mary chuan minla pan cheu avang chuan kan pathum chuan kan tlanchhe zel a. Maicham awmna lamah chuan kawngkhar a lo awm hlauh a, kan tlan luh nak chuan Mary chuan min lo nghak reng tawh.

                Tlanchhuah leh kan tum lai tak chuan engemawni hian kan pathum chuan min hlap tlu thuai mai a, na pawh ka hre lo. Nikhaw hre lovin reilote chu kan awm aniang, Mary bo lai pawh chu tuma'n hria kan awm lo. A reh zui mai dawn emaw tih laiin chu room bang khi kar atang chuan thisen hi a rawn hnam chhuak a, a thang kher mai. Chhuah kan tum chuan kawngkhar reng reng kha a lo awm tawh lova, bang chu kan han chhut ngial pawhin engmah kan ang lo.

                    A ping lo lai awmchhun pawh bang khi chu a ni mai si, tichuan kan awmna bula mawmbati chhitna (thir a nia) chuan ka han kar a. Awmzia a awm duh lo kher... mahse chutia beidawng lova ka han kar vak hnu chuan thlangra te deuh tiat hi ka kar tla hlawl mai a. Chtia ka han kar thlak chuan thisen rawn baw teuh turah ka ngai a, a letling hlauh a thleng ta. Thisen chu a kan duan a, mahse chumi phen ami vang chuan ka tla teuh hle mai.

                   Mit lian tak mai, ka hlam aia lian tur mah hian khap fuk fuk pahin min lo melh a, ka lawnna atang chuan ka chhuk thuai a. Chu mit chuan min melh kual vel hnu chuan a chhing a, a chhing hlen chu a ni der mai. Kawngkhar pawh a lo awm leh tawh a, kan va chhuah chuan khua a lo eng reng tawh a, a thawven thlak duh hle. Pi Biaki ber kan hlauh bawk si, May lah a bo bawk, Mary lahin chi hrang hrangin min tibuai reng bawk si. Keimahni zing ami pawh hi kan la bo lovang tih pawh kan sawi thei lo. Pawnah chuan kan va chhuak harh ta a... to be contd.

mizo gothic story - 25th chapter

(Note: The story is purely fiction and does not, in any way, relate to the life of anyone. He thawnthu hi ka phuah liau liau ani a, mahse thawnthu dang in lo chhiar tawh nen inanna alo awm anih chuan min notify hram turin ka ngen che u. I hate plagiarism just as much as I don't want to be part of it)

Thil pakhat ka sawi duh chu- horror story nen ngaihpawlh lo hram turin ka ngen che u. Gothic story anih angin supernatural chu a tel ngei tur chu a ni alawm, mahse horror story anih loh ang bawkin khawngaihtakin a hrang vel ai chuan a gothic originality min en sak hram hram turin ka ngen che u.

                    May chuan a sawitur chu a han sawi dawn a, a thamral ta daih mai a. Ka hrilhhai kher asin, ka hmangaih berin min kalsan leh ta maw? Ka hnuk chu a ulh teuh mai a, mahse chutih lai tak chuan lir a rawn nghing leh ta. Kan awmna Biakin (?) chu a hlui tawh em avang chuan a chung chu a rawn chim thla vak mai a. Mahse vanneihthlak takin kan awmna zawn lam anih loh avang chuan a lawmawm letling kher mai. Hmun him lamah chuan kan in saseng a, lirnghing pawh chu a reh leh mai bawk. Mahse hetia kan awm lai hian May au thawm chu kan hre thut a, a awmna lam niawm chu kan han pan nain engmah kan hmuin kan hre zawm lo.

                    Mahse chutianga thil a han thlen leh takah chuan tumah pawh chu mut zai kan rel thei tawh mawlh lo, kan meng kar hlawm a. Dar zat engmah kan hriat theih si loh avang chuan khawvar hun tur awm ang pawh hi hriatthiam a har kher mai. A reh em em mai a, tumah pawh chu han tawng tum kan awm lo.May ringawt chu ka rilruah chuan a awm a... ngaihtuahna a kal thui thin teh e. A hma lawkin ka hmu a, kan tap dun hawm hawm a, a hnu lawkah boruakah min thamral san leh si. Ka hmangaih ber a let theih nan keimah hian ka nunna ka hlan mai dawn em ni? tih te thlengin ka ngaihtuah a.

                    "May khan kan awmdan zel tur min hrilh tur kha a ni si a, amah lah a bo leh daih sia engtin nge kan tih dawn?" tiin ka thianpa chuan Pi Biaki melh pah chuan a han zawt a. Pi Biaki lah chuan engmah a sawi lem si lova kei phei chuan ka ngei ru deuh hlek tawh, mahse May lah khan kan mamawh zia a sawi thin bawk si. Han zawhchhuah duh pawh ni ila, a hriat loh thu bak min fah ngai si lo. Ka hlauh ber chu mihring nunna nen thleng a ngai a ti si May khan, Pi Biaki hian tu ber hi nge min thlan dawn tak? tih hi a ni. Kei chu min thlang mahse pawi ka ti lo, ka hmangaih ber ka chhan chhuahna a nih dawn a hnu.... mahse engtin nge kan hmalam chu ni ta zel ang? Ka ngaihtuah ang tho hian ka thianpa leh Esther hian an ngaihtuah ve awm tho sia ka ti rilru neuh neuh a... chutih lai tak cuan... to be contd.

mizo gothic story - 24th chapter

(Note: The story is purely fiction and does not, in any way, relate to the life of anyone. He thawnthu hi ka phuah liau liau ani a, mahse thawnthu dang in lo chhiar tawh nen inanna alo awm anih chuan min notify hram turin ka ngen che u. I hate plagiarism just as much as I don't want to be part of it)

Thil pakhat ka sawi duh chu- horror story nen ngaihpawlh lo hram turin ka ngen che u. Gothic story anih angin supernatural chu a tel ngei tur chu a ni alawm, mahse horror story anih loh ang bawkin khawngaihtakin a hrang vel ai chuan a gothic originality min en sak hram hram turin ka ngen che u.

                    May chu a hmelah a hlim hle tih a hriat theih, mahse mawlh tu chu a awm tho mai. A han sawi ta a, "Mary leh kei hi mi thuhmun kan ni a, mahse hun hran leh hmun hran a piang kan ni a. A tirah chuan mihring pangngai anga piang kan ni, mahse he khawvel mi kan nih loh zia chu ka thih hnuah khan ka hre chiah. In khawvel tibuai tur a siam kan lo ni reng a, mahse Mary hian engkim neih a duh vangin keimah hi min hmang tel a" mittui parawl teuh chung chuan a ti a. Ka lainat hle mai, mahse tih theih ka neih ka hriat loh bakah tih tur pawh ka hre lo.

                    A sawi chhunzawm zel a, "In khawvelah ka awmlai khan tunge ka nih ka inhre ngai lova, mahse engemawni tak chu ka ni tih ka inhria" tiin min melh pah chuan a sawi a. Ka inthlahrung viau nain a thusawi lai chu ka lo pawtchat a, engtin nge hma kan lak zel dan tur tih chu a ni ka zawh ni. He thilah hian engtin nge Pi Biaki a tangkai dan tur ka hre ngai miah lo, tunah ka hre chiah ni berin ka hria. A chhan chu he thilah hian a lo inhnamhnawih ve reng alawm!!!

                 Pi Biaki a tel ve dan hi kan sawi lawk ang a- May sawi atanga ka hriatthiam dan chuan, hmana ka thianpa te venga a awm laia ramhuai a buaipui vanga an hnawhchhuah phah tak chhan kha Mary a lo ni. Mahse amah hian a hre ngai lo, Mary a ni dawn tih hi (May pawh a tel ve tho nain), tunah a ni pawhin a hre ve chauh a ni. Mahse May thiam loh a ni tih chu kan hrethiam vek ang chu, a chhan chu a rilru put hmang atangin Mary ang chu a ni lo. Bakah ka hmangiah em vangin ka ngai diklo theilo pawh a ni thei tho bawk.

                    Esther chuan, "Hun kan nei tlem a nih si chuan tih tur te han sawi zung zung la" tiin May chu a lo ti a. May chuan, "Mary in dah bo theih dan tur chuan minung pakhat nunna a ngai dawn a tiin a chhang a. Minung nunna la duh rilru pu tumah kan awm ka ring lo khawp mai. A han sawi chhunzawm a, "Chumi ti thei tur chuan Pi Biaki chiah hian a ti thei a, amah hian a hre vek e. Mahse a hmaa ka sawi ang khan he thilah hian keipawh min chan phah thei a" a ti a.... to be contd.

mizo gothic story - 23rd chapter

(Note: The story is purely fiction and does not, in any way, relate to the life of anyone. He thawnthu hi ka phuah liau liau ani a, mahse thawnthu dang in lo chhiar tawh nen inanna alo awm anih chuan min notify hram turin ka ngen che u. I hate plagiarism just as much as I don't want to be part of it)

Thil pakhat ka sawi duh chu- horror story nen ngaihpawlh lo hram turin ka ngen che u. Gothic story anih angin supernatural chu a tel ngei tur chu a ni alawm, mahse horror story anih loh ang bawkin khawngaihtakin a hrang vel ai chuan a gothic originality min en sak hram hram turin ka ngen che u.

                    Kan va thlen chuan in hlui deuh tawh hi a lo ding luah mai a, kan han luh chuan Biakin thin niawm tak chuan a lang. A chhung chu a bal hle mai a, maicham awmna hmun tur niawm tak pawh a awm. Khua a thim tan tawh avangin chumi hmunah chuan riah zai kan rel ta a, a hma zan kan mu lo nain kan chau hran lem lo. Hemi zan hian engmah a thlen lem loh avang chuan kan han ti ti a, chhuna thil theng chungchang te chu kan han sawi hova. Engmah thutawp siam ngawt thei kan ni lo bawk nen, a mak a ni tih bak chu sawitur a vang hle mai. Pi Biaki ber pawh chuan sawifiah ngaihna ala hriat bik loh thu bak a sawi lem lo.

                    Tichuan, ka lo muthlu a ni teh chek ang chu, engemawni hian min ti harh zawk mai a. Ka han hawi kual a engmah chu ka hmu lem lo, mahse kil khatah hian tu emawni awm tlat a hriatna ka nei a. Eng vang nge chu ka hre lo, ka hlau miah lo hemi tum hian. Mawmbati keng chuan ka va pan hnai ta a, ka thil hmuh chuan ka hnuk a ti ulh kher mai. Chuta ka va hmuh chu May a ni, amah ka hlauh thina te kha alo reh vek mai a. Tawng pawh kan tawng thei lo, kan tap dun ringawt mai a ni. Ka hmangaih ber, ka chhuan em em thin ngei kha mihring pawh a ni tawh lo maw?

                     Ka va han hmangaih tak em henu kher hi chu!!!! Min kuah chung chuan a tap hawm hawm mai a, a awm dan chu ava han na dawn tak em! A ni aia hmaifang tha, nunnem bawk si kha an awm ngai lovang. A na tawrh, thlarau pawh nei lova a hrehawm tawrh chu a them chauh ka hriatthiampui ve ni berin ka inhria, chu chauh pawh chu a va na em. Hetiang teh hrep hian maw a lo tawrh a? Ka lainat kher mai, tawng pawh kan tawng thei lo. Zawh duh chu ka ngah mai, mahse tun ang hun hi kan tawng leh tawh kher lo mai thei asin. Tun hun zel hi a lo hlu a ni tih te min hriatchhuah tir a. 

                    Kan thawmah chuan midang ho chu an rawn harh a. Mawmbati pawh a dang an chhi belh nghal bawk, mahse May, ka hmangaih em em hi ka pawm tlat rih... ka thlah phal lo. Esther pawh chu kan hrehawm tawrh min hriatpui niawm tak chuan a mitui a lo luang ve zung zung a. Chutah kan han in hru fai a, thuthmunte kan han rem fel a. May chu zawh tur kan neih thu te Pi Biaki chuan a han hrilh phawt a, a ni pawh chuan sawi tur a ngah thu te chu a sawi ve bawk a. Mahse May chu kan han sawi hmasak tir ta a.... to be contd.

mizo gothic story - 22nd chapter

(Note: The story is purely fiction and does not, in any way, relate to the life of anyone. He thawnthu hi ka phuah liau liau ani a, mahse thawnthu dang in lo chhiar tawh nen inanna alo awm anih chuan min notify hram turin ka ngen che u. I hate plagiarism just as much as I don't want to be part of it)

                    Chutia engmah hmu ta lo, let kan han tum a kan hawi let chu leiah hian naute a lo mu reng mai a. Esther chuan rang takin a han pawm kang ngawt a (naute hi a lo intuam a, thla thum vela upa niawm tak a ni), a mit chu a chhing nain a mitsir lehlam ve ve atang chuan thisen hi a luang chhuak a. A rawn meng thut chuan min ti phu chiang kher mai, Esther pawh chuan a thlauh phah nghe nghe a. Chu naute chuan mitmu reng reng a nei miah lova, chutah a rawn ding chhuak a (thla thum vel niawm a ni ka tih tawh kha, a puan phelhna a tlak chiah chuan a rapawm duh kher mai. A dul a kaw hur mai a; pumpui, thin, ril etc., reng reng a nei lo. A nui hmel mawlh kha ka theihnghilh ngai lovang.

                    Chutah aw rapthlak lutuk (kha aw kha ka tehkhin dan ber chu- patling, nutling leh naupang hi a rualin tawng se, an thil sawi tur in ang chiah chiah bawk se chutiang chu a ni) mai hian, "Min ei ve chak em?" tih leh a a mitmu awmna kawrawng tawh chu kawm a rual a. A kut zungtang a tawi tehreng nen chuan a thluak chu a rawn kawm chhuak teuh mai a. Amah chuan a ei bawrh bawrh anih chu!!! A rapthlak duh kher mai, chhun pawh ni se, ka hlauh dan a nep lo kher asin aw. Kan han tlanchhiatsan dawn chuan kan kalna turah min dang tlat bawk si, kan kalna a zim si, ui ang te chuan a la rawn bauh vak vak zui a. Ka thianpa chuan lunglian angreng tak chuan a han vawm a, a tlu ve chawrh mai a.

                    Chu chu remchangah la in kan han tlansan a. Engin nge min mawlh pawh ka hre lo, tlanpah chuan ka hawi let hram a ka thil hmuh chu a rapawmin a mak duh hle. Chu naute rapthlak tak chuan a thluak bua chu a lo chhar khawmin a lo la ei anih chu!!! Kan han tlan zel a mahse naute chuan,"Min tlanchhiatsan thei lovang. Ka ei vek dawn che u, in vai khan" tiin a rawn au let zui vel a, chutah kan hma takah chuan a hma ang bawk chuan naute a lo mu leh reng anih chu. Kan hlau tawh si, kawng dang zawhin kan han tlan a, chu thil tihbaiawm tak chuan min rawn umphak rang hle. A mitmu awm thina khuar chu a han kawm leh a, a thluak chuan ka hmaiah tak hian min rawn vawm a, a then phei chu ka ka chhungah a lut hial. Ka hlau si, ka ten bawk si... ka te teng tung mai a.

                    A letzawnga han tlansan kan tum lai tak chuan chu naute chu rang mangkheng hian a tawih ral rup mai a (mahse ka hmaia thluak la kai kha chu a awm tho). A hma zana kan awmna in kha pan leh kan han rawt nain kha'ng thil thleng teh hrep avang khan kan thulh leh ta a. Mahse zanlam atan thil mamawh zawn pahin tiin in hrang hrang chu tlawh kual kan rawt ta zawk a. Kan mamawh te chu kan han lamkhawm a, hetih chhung hi chuan buaina kan tawk hran leh miah lo. Kan han fang kual a chu khua chu, a reh kher mai (thil pakhat chu tumah chu kan riltam ngai miah lo amak ve hle mai, tuihal pawhin kan awm lo). Hmun hla deuhvah chuan Biakin niawm tak hi a lang vuh mai a, pan zai kan rel ta a... to be contd

mizo gothic story - 21st chapter

(Note: The story is purely fiction and does not, in any way, relate to the life of anyone. He thawnthu hi ka phuah liau liau ani a, mahse thawnthu dang in lo chhiar tawh nen inanna alo awm anih chuan min notify hram turin ka ngen che u. I hate plagiarism just as much as I don't want to be part of it)

                    Ka phone chu a thi lehnghal hmiah mai a, ka hlau lutuk chuan bangah ka vawm darh chuai phah a. Chutih lai tak chuan Pi Biaki chuan che lo turin zaizirin min han hrilh a, tukverh chu a han kawk a. Kan han en nak chuan tukverh darthlalang phen atang chuan engemawni hian min lo en reng mai a,. Tukver hi kan awmna bul chiah ni mahse hmuchian a har hle mai, a chhan pawh thla eng reng reng a awm lova helai hmunah hian, mahse eng chhete chu pawn lam atangin a rawn lut ve tho mai (a mak ve khawp mai). A rapawm duh hle mai a, mahse chu hmel chu a bo ve leh zui mai bawk a. Kan awmhmun te kan han sawn hla deuhva tukverh lam atang chuan, mahse ka hlauh a nep chuang lo kher mai.

                Chumi hnu lawkah chuan Esther chuan mittui pawrawl teuh chung hian, "Ka jeans hak chhungah hian min rawn chhem nia" a rawn ti thut a, thli lah a tleh bawk si lo. A hlau lututk chuan a te chung tawh mai a, "A thaw a lum lutuk ania min tanpui r'u" a tih pah chuan a jeans chu kan han phih thlak sak a (awm leh mawi pawh kan sawi hman lo). A mal chu mawmbati chuan kan han en hnai a, hut thla hi a lo lang kulh mai a. Mahse Esther chuan ala thawkkhum reng thu ala sawi bawk si, a mal chu a han nuai nawk nawk a, a hnu deuh chuan a reh ve ta a. Mak deuh chu kutthla kha ala awm reng tho mai, a reh ve nghal ka ring kha ania.

                        Chumi hnu chuan thildang a thleng zui ta lo, mahse tirilah min man reng tho. Khua te chu a rawn var ve ta a, pawnah kan chhuak ngam ve ta a. Mahse ka sawi hmasak duh chu... ni (sun) vanga khua chu eng a ni hauh lo, chhum pawh a zing lo, mahse van chu han en ila chhum var pup bak hmuh tur a awm lo. Ui bauh ri kan hre thut mai a, Pi Biaki chuan, "Ka ui anih chu" tih leh tlan a rual a. Kan zui lo thei bik si lo, ka hreh kher mai zan pawh ni lo se la ka thlarau hi a khur ani ber mai. Ui awmna niawm a kan hriat lam chu kan va pan phei a, chumi hmun lai vel kan thlen chuan engmah kan hmu lo. Mahse kan han hawi let chu... to be contd.

mizo gothic story - 20th chapter

(Note: The story is purely fiction and does not, in any way, relate to the life of anyone. He thawnthu hi ka phuah liau liau ani a, mahse thawnthu dang in lo chhiar tawh nen inanna alo awm anih chuan min notify hram turin ka ngen che u. I hate plagiarism just as much as I don't want to be part of it)

                    Pi Biaki pumna pawh ngaihsak hman lo chuan kan te chul hi a ni mai. Mahse engkim mai chu vawilehkhatah a rawn reh thut mai a, ka ngaih chu a tha lo tulh tulh tawh mai. Mahse Esther chu a fing hlauh a, damdawi pawh chu Pi Biaki a han eitir nghal zung zunga (a pumna hi serious em em a ni lo). Ka thianpa mawmbati ken chu a thi thut a, chhit that leh a han tum chu ri deuh chawrh hi kan hria a. Ka thianpa awmna lam chu ka han pan nghal a, mahse a ni chu tawng pawh tawng ngam lo, khur hlawk hlawk hian bang chu a kawk ringawt a. Ka han en ve nak chuan inchung ah chuan mihring bawp hi a lo in khai teuh mai a. A rapthlak ber chu an che nuaih nuaih chu a ni.

                 Thisen far reng reng hmuh tur a awm lawi si lova, mahse rimchhia hlirin min bawm hi a ni ringawt. Mawmbati chu kan han chhi tha leh a (pawn lam atanga eng tlem lo lut atangin bawp inkhai kha a hmuh theih) mahse thli thaw si lo chu a thi leh zel a. Tihngaihna vak pawh kan hre lo a ni ber tawh, kan tawn hnem tawh em avang chuan ka chhel ve phahin ka inhria. Chutah Pi Biaki ka atang chuan a hmaa tui dum kan hmuh ang kha a rawn chhuak puat puat mai a (kha damdawi kan eitir vang kha a niin ka hria), chu tui dum chuan amah chu a rawn tuam nghal vek chu a rapawm hle.

                    Engtin tin emawni Pi Biaki chu kan han pawt hrang thei hram a, mahse ani upa lam tawh chuan a chauhphah hle mai. A zo tawh dawn emaw tih laiin inchunga bawp inkhai teuh chu an rawn tla hum hum mai a, an che vak vak bawk si tuna hnua ka mitthlaa hmuh atanr pawh ka duh lo. Room pakhatah chuan kan va insawn hnu chuan boruak chu a zangkhai tan hle mai. Khawvar hun nghakin kan thu thap mai a, tumah hi tawng ngam pawh kan awm tawh lo. Dar zat en ka tum ka sana ka han bih chu a a lo thi hmiah mai bawk si, ka phone ka han en a, wall paper ah chuan May khan min lo nuih reng chu niin... to be contd.

mizo gothic story - 19th chapter - the other world

(Note: The story is purely fiction and does not, in any way, relate to the life of anyone. He thawnthu hi ka phuah liau liau ani a, mahse thawnthu dang in lo chhiar tawh nen inanna alo awm anih chuan min notify hram turin ka ngen che u. I hate plagiarism just as much as I don't want to be part of it)

                    Pi Biaki chuan mawmbati chuan a han en a (a ni hian a hlau lo hle chuan a lang) engmah chu a lang si lova. Thaw ri hrawih hrawih ri leh chhuata vak ri chuan min rawn hnaih zel thung, Esther phei chu a mittui a parawl teuh tawh nghe nghe. Thawm in min hnaih zel avang chuan kan awmna pawh kan hlat ve zel a. Pawna chhuak turin zan a ni si, chhuak pawh ni ila kal dan tur hriatthiam a har bawk si, hlauh nen rilru a mangang duh hle mai. Inchhungah lah thawm leh thil mak tak takin min hual vel bawk si hi a ni ber mai awm e. Thil mak ka han ti ngaw a, a aia mak tam tak chuan min lo la hmuak mek dawn hi a lo ni a.

                    May lah a bo daih si, han koh ngawt nagihna a awm der si lo. Chutah Pi Biaki chuan a pum a nat deuh thu a sawi a. Damdawi te a awm lo maw tiin mawmbati chu kan han chhi tharin bathroom lam kan han pan a. Chhuatah chuan tui a lo tling teuh mai a, ngalrek vel thleng a sang a ni. Thim nen mawmbati bak kan nei si lova a tirah chua enge pawh kan hmu thei lo a ni. Damdai chu cabinet pakhatah chuan a lo awm nge mai a, expiry date ka en chuan mak ka ti khaer mai- an siamni chu vawiin ani tlat mai. Chhuata tui tlen chu tui pangngai nen danglam tlatin ka hria a, a chhah deuh bik hian a hriat.

                    Mawmbati chu ka han keng hniam a, kan bih thap mai a.... a thim em avang chuan a lang dum hle a ni. Ka han khawih a (thisen a nih ka ring kha ania) a eng (light- mawmbati) lamah chuan ka kut chu ka han en hnai a, a dum nguk mai a, a rim pawh ransa/mihring thi tawh tawih uih rim chiah chiah hi a ni. Chutah leh chu tui dum chu nunna nei ang mai hian kut angtak maia rawn insiam chuan ka ke ah min hrawn tham a, ka hlau kher mai. Mahse ka rin ang a nghet chuan min tham lo, ka tal zwng khan tui dum ah a chang lehnghal a, a hmaa kan awmna lamah chuan theihpatawpin kan tlan phei ta a.

mizo gothic story - 18th chapter

(Note: The story is purely fiction and does not, in any way, relate to the life of anyone. He thawnthu hi ka phuah liau liau ani a, mahse thawnthu dang in lo chhiar tawh nen inanna alo awm anih chuan min notify hram turin ka ngen che u. I hate plagiarism just as much as I don't want to be part of it)

                    Chutah tak chuan kan awmna hmun chu a hma ang kha ani ta lo, a inthlak vek mai a, a mak duh kher mai. Hmun reh em em mai ang hi ani ber ka sawifiah thiam dan chuan. Khua chu ani ve, in te pawh a awm ve mahse khua chu a dur khuih mai a. A rim chu a chhe hle a, thilnung reng reng engmah hmuh tur an awm lo. Kan han kal zel ringawt a, mahse kal tumna ber phei chu kan nei lo. May thu ngaichang chuan zawh mai ka han tum a, kan bulah a lo awm der si lova. Kan zawng a, zawn pah chuan kan au bawk a. Thawm reng reng hriat tur a awm loh avang chuan Pi Biaki chuan inruak pakhatah chuan tawm rih a rawt a, khua te a thim tan tawh bawk nen.

                    Han tih vak ngaihna pawh kan hre lo, chutilai khawvel hran(?) awmdan pawh chu kan hre bawk si lo. Thim thiltihtheihna a lal hle tih chu a boruak awmdan atang chuan a hriat theih mai. A nuam lo duh hle mai, chu ai mah chuan Esther hi ka khawngaih. Ka thianpa nen hi chuan mipa kan nia kan ngaihtuahawm vak ka ring lo. Pi Biaki lah ramhuai buaia lo buai thin reng reng kha ania, a buaipuiawm vak loh ka ring a. Zan riak tur chuan inchhungah fimkhur tak chung chuan kan han tei lut a, khua chuan min thim hnan a ni ber mai (inchhungah hian engkim bungrua alo awm vek mai, mahse hman ngai loh tih hriat tak an ni).

                    Khua a thim hnu chuan thawm a awm tan tlat mai. Nui ri leh thawm rapawm tak tak chu kan hre nual, mut lam chu tumahin kan ngaituah thei lo. Pi Biaki lah chuan a dawi bu (ti mai ang) chu a chhiar reng a (hetilai hmunah hian kawlphetha a awm lova, mahse eng engemaw kha chu kan in ring lawk ve nual tuna Pi Biaki Mawmbati hman ang te), engvakah a ngai lo niin ka hria. Thawm chu a nasa telh telh mai a, kan awmna in chu nasa mangkheng hian a rawn insawi vak vak mai a. Esther phei chu a te chhuak lo chauh ani, a chhan chu a hmain thawm dim tlang tura infuih kha kan nia.

                    Mahse chu lirghing (?) chu a reh leh mai a, mahse chu in bang chu a rawn puar pawp pawp a. Hmel ang tak te hian a puar a, a reh leh thin a thlanfim chu a chhuak tha duh kher mai. A hnuah chuan a reh leh tlawk tlawk mai a, tawng chu sawi loh che ngam pawh kan awm lo. Mi pali kan ni nain khua chu a har duh kher mai. A thim hle a, Pi Biaki mawmbati chhit lai (engtin nge nachina lirnghin lai kha thli te a thaw nasa si a, mawmbati kha a thih loh le? chu ka inzawt ve reng) bak chuan kan awmna chu a en lo. Choka lam atang chuan thaw ri hrawk hrawk mai hian a pianzia langchiang lo hian bawkvak chungin kan awmna lam chu rawn pan hian ka hria a.... to be contd.

mizo gothic story - 17th chapter

(Note: The story is purely fiction and does not, in any way, relate to the life of anyone. He thawnthu hi ka phuah liau liau ani a, mahse thawnthu dang in lo chhiar tawh nen inanna alo awm anih chuan min notify hram turin ka ngen che u. I hate plagiarism just as much as I don't want to be part of it)

                 May chuan, "Mihring ka ni tawh lova, Mary kha keimah tho ka ni a, mahse kan rilru put hmang chu a dang. Kan awmna pawh a dang, kan awmna ve ve hi ka n thuhnuaia awm an ni. Chutih rual chuan he khawvelah hian thlarau neiin ka awm thei lova. Thlarau nei lova ka awm ila duh talh chuan kawng khat chiah a awm- chu chu Mary hi tih bo ania. Mary hian a khawvelah hruai che u a tum dawn tho thova, chuvang chuan nangmahni tho hian he hna hlauhawm tak hi in hmachhawn dawn. Mahse Mary tih bo in tumna lamah hian keimah pawh hi min dah tha palh tel thei thova, in fimkhur a ngai dawn ani. Mary thiltih theihna hi a nasa tawh em em mai a, ka theitawpin ka tanpui ang che u. 

                    Ka thlalak hmanga a rawn inlar te pawh kha ka hre ve vekin ka hmu ve vek alawm" tiin May chuan a sawi a. Ka hmangaih em em chuan thlarau a nei dawn lo maw? Engtin nge Vanramah a kal ve tak ang? tih te ka ngaihtuah a, naupangchhia ka intih rualin ka rilru chu a na hle mai. May chuan Mary hian Setan-a hnenah a thlarau chauh pawh ni lovin a nunna thlenga a hralh avangin thiltihtheihna aneih chu a ropui tham hle thu a sawi a. Han sawi tur kan van hlawm hle ani. Engtin nge kan khawvelah a lo let dan chu Pi Biaki chuan a lo zawt a. Ani chuan, Mary kal rual lo chuan ka kal ve thei lo, a thiltih theihna hi tawmpuitu ve chauh zawk ka ni. Tunah pawh hian ka thiltihtheina tam tak hlauh phahin ka rawn kal" ati a.  

                    Kan tih hmasak ber tur chu May khawvel bikah chuan kan kal a ngai ani. Chumi tur chuan Pi Biaki hian ramhuai a biak laia a chhampual te kha ala hriat a ngai a lo nia. Mahse hun a tlem May in a tih avang chuan Pi Biaki pawh chuan chu khawvel tihbaiawm taka kan kal theih nan chuan a tihtur te chu a han ti thuai thuai a. May hi ka lo la hmangaih hle ani tih chu ka rilru thar danah chuan hai rual ani lo. Ka awmna, ka khawvel hriat ve chhunah hian a awm ve theih dan tur zawng zawng chu tih ka huam vek. Ka rilru ti na ber tu chu a thlarau a lo hlauh tawh chu ani. May chuan a thiltihtheihna chu sawr khawmin Pi Biaki thu chham nen chuan... to be contd.

mizo gothic story - 16th chapter

(Note: The story is purely fiction and does not, in any way, relate to the life of anyone. He thawnthu hi ka phuah liau liau ani a, mahse thawnthu dang in lo chhiar tawh nen inanna alo awm anih chuan min notify hram turin ka ngen che u. I hate plagiarism just as much as I don't want to be part of it)

                    Mary chutianga teh hrepa a rawn lut chu kan hlau hle mai. Mahse kan bul hnaih a rawn thlen chuan chhuatah a bawk thlawp a, a tap ti tih ta mai a. A ngaihna hriatthiam a har duh hle mai, rap awm taka a hma lawka awm si kha, tunah chuan kan hriat Mary kha ani. Mary chu a rawn tawng chhuak phawng mai a, "Khawngaihtakin min tanpui ru, ka awmdan hi a hrehawm em mai" tiin. Mahse Pi Biaki ber chuan hnaih lo tur a min tih avang chuan kan hnaih lem lo. Chutia a rawn tawngchhuah takah chuan a hma ai chuan hlauhna pawh a nep ta deuh. Mary pawh chu chhuatah chuan tap chung chuan a thu reng mai a, chtuah chiah chuan ani May a lo lan tak ni. Bathroom ah chuan te ri ring tak kan hre thut mai a, tlan pah chuan ka thianpa chu Mary lo kalsan lo turin ka ti na a, a rawn thleng phei ve nghal tho.

                    Mahse kan thil hmuh chuan min khawih dan a dang hle ani... Ka hmangaih thin em em, May chu chhuatah chuan tlu sawp nuaih hian a lo awm a. Khatia ani ka han hmuh khan hlauhna chang reng ka hre lo. Ka hmangaih thin em vang khan tunah pawh hian dawi at in ka awm ani ber ang chu. Ka han pawm thova khumah ka han thut tir a, min ngai tih hriat tak hian min kuah a. Chutihlaitak chuan Mary chu room ah a rawn lut ve ani. Pi Biaki chuan engemawni hi a chham a, Mary chu a te nasa hle mai a. May chu rawn khawih a tum ni berin ka hria, a chhan chu keini ho kha engatanmah min ngai tlat lo ani. Ka thianpa chuan Mary chu a tukkhumah chiang em em mai hian thir bungin a hlap a, chhuatah chuan a tlu thlawrh mai a. Mahse thisen reng reng a chhuak hauh lo, ruang tawih, uih tawh rimchhia ang hi a taksa(?) atang chuan a rawn chhuak a.

                    Light chu a rawn thim thut a, Esther leh Pi Biaki chuan choka lamah mawmbati chu la turin an tlan phei nghla a. Mahse an rawn let hma in light chu a rawn eng leh ta kha ani. Mary chu a lo awm tawh lova, rimchhia pawh chun a reh nghal duak mai. May chu a rawn phei a, ka lo kuah chuan a tap zawih zawih mai a. Pi Biaki chuan a rinloh daih a thil a kal thu chu a sawi nghe nghe. May chu tawng pawh tawng hleithei lovin a tap a, han tihbuai chu ka hreh viau nain thil awmdan hrechiang tu ber ani si a, zawh loh theih ani lo ani. Pi Biaki tan hian tih tur a awm leh si lo nge ala tangkai dawn chauh tih chu hunin al hril turah ka ngai ngawt a. May chu thil awmdan chu sawifiah turin ka han ti a ka thlem hnu chuan.... heti hian a sawi ta ani.... to be contd.

mizo gothic story - 15th chapter

(Note: The story is purely fiction and does not, in any way, relate to the life of anyone. He thawnthu hi ka phuah liau liau ani a, mahse thawnthu dang in lo chhiar tawh nen inanna alo awm anih chuan min notify hram turin ka ngen che u. I hate plagiarism just as much as I don't want to be part of it)

                    Kan han tum chawp deuh chuk chuk kha ania, chhungte chu an lawm vak lo kher mai. Kan haw min lo ngaih ve tehreng nen, ramhuai ringawt kan buaipui si. Kan chhungte hnai tak tak theuh bak kan hrilh lova, ka nu phei chuan he thil thleng teh hrep vang hian Aizawl lama hnathawk turin min ngen nasa hle mai. A kar leh lawkah chuan kan chhuk leh ta a, zan lama thleng kan ni nain Pi Biaki pawh chu a chau vak lovin ka hria. Pi Biaki hi Esther inah a thleng a, kei chu neuh neuh ka inlam hnu chuan ka thianpa in lamah ka phei a. A tuk tuk lehah chuan ka inlamah kan phei ta dial ani. Pi Biaki chuan May thlalak (ka tar chhuah kha) chu a ngaipawimawh zual tlat hian a hriat a.

                    Engmah em em pawh chu kan sawi zui lem lo nain, zan lamah chuan Mizoram lam atanga kan ken thlak eitur chu kan hmeh a. Zanriah te kan han ei zova, mut a la chhuak lo bawk nen, TV en pah chuan kan han ti ti a. Esther lah chu Facebook lamah a lo online ve pah bawk a, nun chu a pangngai viau rih ani. A hahdamthlak hle mai rilru pik lutuk zualpui pawh a reh ti tih deuh mai. Chutia kan han ti ti chu thuthleng dupah chuan ka tluzal pah mai mai pah a, mahse ka dar dinglam hi a rawn sa zawk mai a. Mahse a nat dan kha dar herh ang chi deuhvin a awm, a hnuah a na telah telah ta mai a. Ka han thu chhuak chu ka t-shirt atang chuan Tit (centipede)hi a rawn tla nawlh mai a. Ka raphlum nghal chiang hle.

                    A te viau nain a tur fan chu a na hle tho mai (tun thlengin dar na ka neih phah ta in ka hria). Han tih vak ngaihna chu kan hre hlawm lova mahse Pi Biaki chuan chinai hi a rawn tat teuh mai a. Chutah chiah chuan ani, ka room lam atang chuan nui ri kan hriat ni, a rapthlak duh kher mai. Pi Biaki erawh chuan mak ti hmel pawh a pu lo, May thlalak chu a en reng ringawt mai a. "Khi le a intan ta e", a rawn ti phawng mai a Pi Biaki chuan thlalak kawh pahin. Kan han en ve chuan Tit hi an rawn chhuak sup sup mai a frame atang chuan, mak ve deuh chu ani. An seh kan hlau khan kan rilru pawh a luah zawk mah. theih ang angin kan han that a mahse vawilehkhatah an bo leh duak mai.

                   May chu thlalak ah chuan a rawn nui ver ver a, Pi Biaki chuan dam deuh hian, "A tawp thlengin kan tang dawn a, i ngam ve em?", tiin May thlalak chu a han zawt a. Chutah Esther chuan Mary number atang chuan call a dawng tlat mai. A han pick up chuan tawng ri ni si lo, thawhah deuh thawri chauh anga hriat si hian, "Ka rawn thleng ta", hi a rawn ti a. Kan hlau hlawm viau nain Pi Biaki tak chu engtinmah pawh a awm ve lo ang hian a lang, mak ka ti vak hran tawh lo. Chutah le, Mary chu tukverh bar inkar zim lutuk maiah chuan a rawn inhnawh lut anih chu. Ka te chhuak tep ani khatih lai khan. Min rawn melh reng lehnghala, a inhnawhluh pah chuan... to be contd

mizo gothic story - 14th chapter

(Note: The story is purely fiction and does not, in any way, relate to the life of anyone. He thawnthu hi ka phuah liau liau ani a, mahse thawnthu dang in lo chhiar tawh nen inanna alo awm anih chuan min notify hram turin ka ngen che u. I hate plagiarism just as much as I don't want to be part of it)

                    Chet lak dan tur chu keini tan chuan hriatthiam har tak ani. Pi Biaki chuan kan tih tur hmasa ber chu anmahni pahnih biak pawh ani tiin min hrilh a. Ka rilru a lo lang mai mai pakhat chu- Mary hi chu kan be pawp thei maiin ka ring a, mahse May ber hi engtia tih chi nge ni ang tih ani. Tih tur min hril mahse han pen hmasak dan tur kha a vang hle mai, a tukah chuan May pa va hmuh hmasak phawt chu kan rilruk ta a. A pa chu office lovin inah a lo awm a, inthlahrun chu a na duh kher mai. May nen kan inkawp thin avangin kei chu min hre sa a, mahse rilru chu a thar duh khawp mai. Thil awmdan zawng zawng chu Esther chuan hmaih awm miah lo hian a hrilh ta a, a pa chu a sen tawn tawn mai a, a rilru a thar tih chu hai rual ani lo.Mahse ani pawh hian Mary nu sawi ang deuh tho khan a sawi ve tho mai. Khawvel hran chungchang kha phone a an biak hnuhnun bera a sawi ani ve tho mai.

                    Hma chu kan sawn lem lo May pa kan va hmu hi, mahse Pi Biakin mi thuhmun a tih vel ber kha mak a ti. Ani chuan, "May pawh khan Mary hming kha a lam ve tho asin, khami hnu lawk khan (mittui parawl deuh hlek leh chhuat melh reng chung chuan) a inawkhlum kha ania. Nang chuan a ruang pawh kha i hmu hman ta lo anih kha. Ka fanu neihchhun ani nain, a ruang awmdan kha chuan min rap ve khawp mai. A chhan chu a hmel awmdan kha a tihbaiawm em a tin ni, khami vang kha ania a tirah pawh mi thah a anih kan rin chhan. A taksaah khan hliam a awm nual bawk si nen, mahse kan chhui tir ta lem lova. A in kha a chhunglamah a inkalh tlat bawk sia, bakah kutthlakna hnuhma a awm lo a tin ni", ati a. Thudang han vuak chu har tak ani, reiloteah chuan kan chhuak ta a. Chanchin inhrilh zel te pawh kan intiam ani.

                    Pi Biaki chu kan va phone a, May pa sawi vel pawh kan han hrilh a. Ani hi chuan Mary chu call turin minti ani, he thil hi Esther kutah kan han dah ngawt a. Ani lah chuan a lo hreh tawh nasa mai si, chuvang chuan ka kutah kan dah ta zawk a. Ka hreh viau nain chumi zan chuan Mary chu ka han phone ta a (call hi ka record vek a kan inbiakna hi). A lo pick up vat a, a sawi chhun chu, "khawnge in awm zawh vek a? Ka khua a har lutuk ania, lo kal rawh u", tih bak sawi lo. Biak nawn leh ka han tum thin nain a tlang thei tawh der lo. Hetih lai hian Esther chuan Mary call a lo dawng ve chiah bawk a (a darkar leh minute thlengin a hun a lo in ang chiah lehnghal, mak ve tak chu ani). Esther ve thung chuan, ahmaa thaw ri ka lo hriat ang kha a lo hre ve a, a hlau chuan min rawn hrilh vat a.

                    A tukah chuan Pi Biaki inah inhmuhkhawm kan ti a, ka va thlen chuan an lo awm thap tawh nghe nghe. Pi Biaki chuan ro a han rel a, kan awmna hmunah chuan let a anmahni biak pawh tum chu fuh berin a hria ani. Kan tum sak theih chuan ani pawh hi lokal a duh ani. Tichuan kan hnathawhna lamah chuan let turin kan han inpuahchah a, chhungte bulah nuam tak pawhin kan awmrei hman lo hle mai. Mahse he thil hi a pawimawh si a, thil dang kan ti hman lo ani ber. Kan sawifiah zuai ang a Pi Biaki hian kan hnathawhna hmuna kal a rawt chhan hi- Mary kha Pi Biaki a lo khawih hnu khan a inlan leh tawh loh bakah, ka inah bak khan May a inlan a rin loh vang ani.... Mahse Mary kha engtin nge kan khawvelah mihring pangngai angin a lo awm theih? May pawh chuti bawk.... to be contd

mizo gothic story - the 13th chapter

(Note: The story is purely fiction and does not, in any way, relate to the life of anyone. He thawnthu hi ka phuah liau liau ani a, mahse thawnthu dang in lo chhiar tawh nen inanna alo awm anih chuan min notify hram turin ka ngen che u. I hate plagiarism just as much as I don't want to be part of it)

                    Pi Biaki chuan a ina phei nghal tur chuan min rawn ti a. Kan va thleng chiah, a ina kan luh hma si chuan te ri ka hre thut mai a. Kan tlan lut nghal chu, Pi Biaki chu a lo tlu reng mai a. Kan han kai thova, tui te kan han pek hnu chuan a tha zawm leh chu ani mai a. Ani chuan, "Mary kha a rawn kal a, min rawn sawisa a... a bak ka hre zui lo ani", a ti a. Kan han thut that tir a, ani chuan, "Tuna thil awm dan hi ka la hre chiang bik lova. Mahse Mary leh May hi thuhmun an nih ka ring tlat mai, mahse an awmna khawvel hi chu a in ang lovin ka hria. May leh Mary te hi mihring chu an ni tho, thi ve ve tawh mahse. Ka sawi awmzia chu thlarau leh minung inkar ami anni. Kan khawvel bakah hian Thim lalna khawvel hran hi Thim lalpa hian a siam sask a tih theih ang chu", a ti a.

                    Kan bo map map hle ani Pi Biaki thil sawi chungchangah hian. Ani pawh hian a sawithiam bik lo ni berin ka hria. A han sawi chhunzawm ta zel a, "Ka rin dan bak engmah sawi theih ka nei bik lova, mahse ka hriat chu an khawvel hi thlunzawm a an tum ani. Mipakhat anga awm a, chu khawvelah chuan hruai luh che u an tum niin ka hre ber....". Ka lo pawt chat a a thusawi lai chu, "Anih leh nachin khan engtin nge lo khawihtu che kha Mary ani tih i hriat theih, a hming a sawi em ni? Chuan anih leh engatinge keini kher?" ka lo ti hmanhmawh pek a. Ani chuan, Mary kha chu (ka thianpa melh hrek chung chuan) an (ka thianpa) venga ka awm lai khan min rawn tihthaih tawh alawm....

                    "Nangmahni chungchangah erawh chuan sawi theih ka la nei rih lo. Mahse an thil tum anga ka rin hi chu an thlen tir theih phawt chuan he khawvel atang hian in bo hmak ani mai. Chuti anih chuan an thil tum dang thei turin in chet a ngai dawn a, ka theihtawpin ka tanpui ang che u. Mahse nu harsa ve tak ka ni a, hlawh chu ka phut ve ang e", a ti a. Esther chuan hlawh chu a phut zat zat pek kan hreh loh thu chu a lo sawi ve bawk a. Keini mihring pangngai tan chuan hriatthiam chu har tak ani. Kan bo tlang hle, May te khawvelah pawh chuan bo te ka hlau tulh2 mai a. Engtia chet lak tur nge chu Pi Biaki chu kan han rawn zel a... to be contd

mizo gothic story - 12th chapter

(Note: The story is purely fiction and does not, in any way, relate to the life of anyone. He thawnthu hi ka phuah liau liau ani a, mahse thawnthu dang in lo chhiar tawh nen inanna alo awm anih chuan min notify hram turin ka ngen che u. I hate plagiarism just as much as I don't want to be part of it) 

        No power. Back up awm lo. Huizzzzzzzzzz zaninah hman loh chuan naktuk lamah ani tawh mai poooot ho ve tak ani ho ve tak.... saaaaaaaaaaaala chuta karah, vawiinah ka phone atangin facebook ka luh vangin account settings te pawh tih that a ngaih phah vek, back up tlemte awm chhun hmangin ka rawn in explain e,

            NEXT CHAPTER-AH CHHUNZAWMNA

mizo gothic story - 11th chapter

(Note: The story is purely fiction and does not, in any way, relate to the life of anyone. He thawnthu hi ka phuah liau liau ani a, mahse thawnthu dang in lo chhiar tawh nen inanna alo awm anih chuan min notify hram turin ka ngen che u. I hate plagiarism just as much as I don't want to be part of it)

                    Aizawl a veng pakhatah chuan kan inkhalh phei ta a, a mak bawk si, a rap awm bawk si tih bak hian a hril zo mawlh lo.Ka thianpa pawh chu mak tih riauna ka nei tlat mai, a chhan pawh thil hriat chu a nei ani, ni lo se he nu inah hian min hruai ka ring lo. Kei lahin engmah ka hre der si lo, enge Mary'n khawvel hran a tih te kha ka bo tul tulh tawh mai a. A enga pawh chu nise, kan kal tumna chu kan han thleng hlawl a. Kan mi hmuh ber chu nu upa lam hret (kum 60 vel niawm tak) hi a lo nia, a inchhung chu a thim kher mai. A uap bakah a rim kha a na hle (rim na = damdawi rim ang cai hi), balh chu a bal miah lo thung tlat lawi si. Ui hi pali lai a lo vulh nghe nghe a, mahse a fel phian mai min lo bauh ka rin tehreng nen.

                    Ka thianpa chuan a hmaa thil thlengte chu a han hrilh zung zung a, kan mi hmuh nu hi Pi Biaki ani nghe nghe. Ani chuan a lo ngaithla kar mai a, tawng lo chuan zaizirin a lo bu nghauh nghauh thin a. A hnuah Pi Biaki chuan, "He thil hi keimahin chinfelsak che u ka tum ang a, nangmahni in awm ve pawh a tul anih chuan ka rawn ko ang che u. Zanin atangin he thil hi ka buaipui ang, mahse ka rawn koh hma che u chuan mi tihbuai a tha lovang", tiin kan inthlah liam chu ani der mai.Ka thianpa ka zawh lahin ani chuan, "Ramhuai lam buaipui thin ania, amah tak hi chu ka vawikhat biakna ani e. A thiltih vang hian kan veng atangin hman kum khan an hnawtchhuak tawh a, min pui theih ka ring deuh mawle", ati mai a.

                    May te in lam pan chuan kan tlanphei leh ta a. Kan lo be lawk mang lem si lova, tumah an awm lo hi a alo ni a. An landline number bak ka neih loh avangin an thenawmte ka han dil a mobile number. Anni chuan number pakhat min pe a, May pa number anih thu pawh a sawi lang zauh nghe nghe ani. Ka han be pawp a, office ah a lo awm avang leh meeting an lo neih avang chuan a tukah a remchan chuan kan hmuh duh thu chu ka hrilh a. Thilmak a thleng leh ta- Esther chuan call a dawng tlat mai. Mary number ngei a lo ni a, a han lak chuan Mary chuan, "Khawnge in awm zawh vek a?", a rawn ti a. A thi tawh tih kan hriatchian anih avangin a mi khawihdan chu dang tak ani. Esther chuan biak pangngaiin a bia a, mahse network vang nge a tawp ta tlat a. Chutih lai tak chuan ka thianpa pawh chuan Pi Biaki hnen atang chuan call a lo dawng ve bawk a....to be contd

mizo gothic story - the 10th chapter

(Note: The story is purely fiction and does not, in any way, relate to the life of anyone. He thawnthu hi ka phuah liau liau ani a, mahse thawnthu dang in lo chhiar tawh nen inanna alo awm anih chuan min notify hram turin ka ngen che u. I hate plagiarism just as much as I don't want to be part of it)

                    Kan han rel khawm nak nak a, Mary chanchin hre turin Mizoram lam pan kan rilruk ta a. A nu kan han biak pawp leh chuan an address te kan han dil a, chawlh la in kar khat cham tum kan ni. Khua a that vak loh avangin kan flight pawh chu an delay nasa ngiang mai. Tluang takin Lengpui kan thleng a, chhungte pawh hrilh lawk lem lo kan nih avangin, taxi kan la chho ta kha ania. Sawi chipchiar lo mai ila, kan thlen tuk chuan kan han inhmukhawm a, Mary te in lam chu kan pan ta a. Mary (a hming hi ka lam rik deuh sek a ngai dawn a, min lo hrethiam mai aniang chu) nu hi kan hrilhlawk chu an mai a, kan va thlen chuan a lo fel hle mai, thingpuite min lo lum sak nghal a. Thil thleng te kan han hrilh chuan mak ati hle mai a.

                    A fanu (Mary hian a pa hi a naupan tet laia chan ani) chutianga phaia hnathawk a awm, a inluahpuinu ngei mai leh, a thiante a hmu hnunung ber tu te meuhvin Mizoram lam pan a kan han hmu chu mak a ti hle mai a. Dik tak chuan kum tam fe a liam tawh a Mary boral hnu hian, mahse a nu kan han hmu ngawt mai pawh a. Kan hlawhchham lem love, Mary thih dan khan han zawh chuan heti hian min chhang a, "Mary kha rilru buaina a neih ka hre ngai lova, amaherawhchu 'Khawvel hran inhriatthiam loh tur si ami ka nih hi" a ti thin a. Eng teh ualah ka ngaihsak ngai lova, a sawi zin tak viau hnu chuan rilru lam doctor ka panpui ta a. Doctor lah chuan engkim a tha vek e a ti si a, keini ang nu mawl tan chuan a hre zawk thu chu a lo pawm loh theih lohva.

                    "Mary kha ka zawt fova, eng khawvel nge tih. A ni chuan, 'He khawvel ang tho hi ani e, a danglam na chu ka duh duh ka ti thei. Tunah pawh hian in khawvelah hian ka awm lo', a tia ka nuih a zat rualin mak chu ka ti viau thin. A boral ni kha han sawi ta ila- TV a en a, kei chokaah ka awm a, a eih vak vak a. Kei lah chuan, 'Tunge ko che, hei ka awm ve reng a, an koh che ka hre lo, i bengchhe ri anih kha", ka tih sak mai a. Mary chuan, 'May in min ko alawm. Ani chu thlarau khawvel ami ania, ka awmna nen chuan a dang. Min lo ko chiang lutuk', a tia. Chhan vak ngaihna ka hre lo ani ber, ka awih loh chu thuhran ni se (note to readers: hetia May hming a sawi hian ka phu chiang kher mai, mak ka tih bakah, ka thiante pawh chuan min lo melh hrek hrek a).

                    "Tichuan inchungah a tlan chhova, ka en zui lem hlei lo, kha kha ka thiltihsual ber chu ani ta ani (a hnuk a ulh hle a sawi lai hian). Ka hriat leh chu kawng thlang lama te thawm ani a, ka han dak thla chu ka fanu ruang thisen nen a lo inchiahpiah chu ka hmu ta. Min thawng kher mai". A bak hi chu in hrethiam ang a, ruang an sawngbawl a, an vui a kan hretlang vek ang chu min lo hrethiam ula. A tukah chuan kan han inhmukhawm leh a, May te ina kal chu kan rawt ta a (kei phei chuan ka hreh hle mai). Kan han sawi khawm nak nak chuan eng khawvel nge Mary khan a sawi ang aw? tih hi zawhna lian ber chu ani ta. Ka thianpa chu a ngawi vung vung a, "Mipakhat hriat ka nei a, hetiang lam hria hi ania, iva pan hmasa teh ang u May te in kan kal hmain", a rawn ti deuh phawng mai a.

mizo gothic story - 9th chapter

(Note: The story is purely fiction and does not, in any way, relate to the life of anyone. He thawnthu hi ka phuah liau liau ani a, mahse thawnthu dang in lo chhiar tawh nen inanna alo awm anih chuan min notify hram turin ka ngen che u. I hate plagiarism just as much as I don't want to be part of it)

                    Khatia min han tham thut khan engkim chu vawilehkhatah a rawn reh duk mai a. Mary pawh chu a lo bo daih a, kan hlau lutuk chuan kan tlanchhuak a. Car lam panin kan tlan a, ka thianpa inah chuan kan pathum chuan kan khur zawih zawih hi ani ber. Esther chu kan han zawt a Mary chanchin chu, mahse ani chuan hetilai hmuna inhria annih thu chauh a sawi thei a. An inhriat hma lama Mary chanchi chu engmah hriat a lo nei lova, in an luah dunna a rei tawh ngaihtuahin mak ka ti angreng hle. Ka han zawt let a, Esther lah chuan, "Ka zawh pawhin engmah a sawi tha duh ngai lova, ka zawh loh khan kan hlim zawkin ka hria a, zawh enah pawh ka en ta lova", a ti a. Chuti si mak ka la tih fan chu, engtin nge a hriatchian loh in a luahpui ngam kha. Mahse a lehlamah chuan a awm ve thei tho, a chhan chu Mizo te kan tlem bakah khatia inluahpui tur mahni hnampui ngei awm kha chu a thlamuanthlak letling thei ang ka ring.

                    Esther pawh chu ka hlau ru ta riau mai a. Amah pawh ka hrilh nghe nghe a, ani chuan mihring pangngai anih thu chu a sawi chamchi bawk nen, rilru a pik duh hle. Esther chuan thil pakhat a rawn sawn chhuak a, ka thianpa nen chuan kan beng a verh hle- Mary kha darthlalangah a in en ngai lo tih hi ani. Enge a chhan a hre bik si lo, kei lah engatinge May kha a hran tih ka lo sawi ve chhen bawk. A mak duh hle mai heng thil zozai te hi, hlauh nen, rilru buai nen."Mary hi a chhungte number tal i nei lo em ni? Chhiat that atan pawh i kawl lo em ni?", tiin Esther chu ka han zawt a. Ani chuan a kawl thu leh Mary hian engtik hunah mah be pawp lo tur a a intiam tir vangin, a chhungte number lam hi a lo ngaihtuah vak lo a lo ni. Tichuan mary te in number chu kan han be pawp ta a. A tirah chuan a ring tlang thak thak a, mahse hetiang thil tehhrep kan tawng nen zah pawh kan sawi thei lo ani ber mai.

                    A hnu fe a chuan nu upa lam tih hriat deuh mai hian a lo la a. Mary biak kan duh thu ringawt a han hrilh a Esther chuan (hetihlai hian loudspeaker-ah phone chu kan dah avangin kan ngaithla vek, bakah Esther hi kan biaktirna chhan pawh hmeichhia te a lo ni a. Sawifiah leh lawk ila, Mary nu hnena hetia be duh anga kan insawi chhan pawh hi mary awm dan tehhrep vang kha ani), a nu lo chhan dan kha a tihbaiawm hle ani. Mary nu chuan, "Mary nen engtin nge in inhriat a? Pawl sawm anih khan kan inchung atang hian a zuangthla a, biak tur a awm tawh lo", tiin hnuk ulh tih hriat tak hian a rawn chhang a. Han biak zui zel duh mah ila, tun atan chuan a tawk khawp rih mai. Chti anih chuan Esther chuan thla a lo awmpui reng thin a lo ni maw? Ani pawh hian a hlau hle ani. Zawhna awm thei pakhat chu- May leh Mary hian enge inlaichinna an neih? tih hi ani.

mizo gothic story - 8th chapter

(Note: The story is purely fiction and does not, in any way, relate to the life of anyone. He thawnthu hi ka phuah liau liau ani a, mahse thawnthu dang in lo chhiar tawh nen inanna alo awm anih chuan min notify hram turin ka ngen che u. I hate plagiarism just as much as I don't want to be part of it)

                    Photo frame chu ka rap lutuk chuan ka paih nghal thuai mai a. Chutah tak chuan thil mak tak mai a thleng a- boruak chu a rawn vawt thut mai a, a vawh dan kha kan khawng tep thei ang tih vel ani. Hetia a rawn vawh thut hian thli a thaw lo hrim hrim. Mary chu nikhawhrelovin a tlu ta thut mai a, kan han buaipui nak nak a, second reilote chhungin a rawn harh leh mai bawk a. A hmel chu a rawn dang vek mai a, kan han muttir hnu chuan heti hian a rawn sawi a, "He inchhung tibuai tu hi ka hre tawh, May ngei kha ani e. Tunah khan ka hmu", a ti ta mai a. A hmuh dan chu engtin nge kan zawt chiang hman lo kher mai, boruak chu a rawn lum thut a. Chutah tukverh darthlalangah (kan hawina zawn tak) chuan hmel hi a rawn lang vuai vuai a, a rapthlak duh kher mai.

                    Chumi hnu lawk chuan boruak awm dan vel pawh a rawn pangngai chho ve leh ta a. Ka room atang chuan meikhu hi a lo chhuak a, kan va en chuan, ka thil hlui dahthatna (May thlalak ka dahna) box chu a lo kang hi a lo nia. Tuiin ka han leih a, a kang pawh chu a reh thuai a. A chhung ami a kang bang a awm takin tiin ka han hai nawk nawk a (ka ui ber chu May thlalak ho ani), mahse thlalak ho chu kan han en a, May chu a engahmah chuan a lang reng reng lova. Kan in en thap mai, a hrilhhai thlakin a hlauhawm duh khawp mai. Ka pian a hnu lamah hetiang hi ka vawikhat tawnna ani, midang tana tawn ve ah pawh ka duh lo.Ka rilru ah chuan a hmaa thlalak frame keh ta kha ka hre chhuak zawk a.

                    Ka va la a, kan han en nak chuan May chu a sir zawng hian a lo awm leh tawh a, khata a nui hmel kha ka rap kher mai. Ka thiante chuan an rawn en ve a, khami chhung lai te khan May chu a hrawk ah hian hrui hi a lo invalh hman a. Esther hlau lutuk chuan May chu auvin, "Engatinge he in hi i tih buai, engatinge mintih buai" tiin a auva. Chuta rapthlak ta em em chu, May (thlalak ami chu)chu a rawn nui chhuak anih chu. Ka va han phu chiang kher em khami tum kha chu. May kha ka ngaiin ka hmangaih em em e ti lo chuan tunah chuan a hlauhvin ka hlau ani ber tawh. Chutah le, kan awmna bul chiah bangah chuan thlarau niawm tak hi a vei tlang chhen mai a. Keimahniah te chuan a rawn kal tlang vel a, ka thlanfim hian min leih bawrh bawrh hi ani ber tawh.

                    Mahse vawilehkhatah a reh hian a rawn reh tlawk tlawk mai a. Kan thil tawn a rapthlak e tih tawh nak alaiin, Mary chu bangah a lawn kual ta vak vak mai a. A hmel rapthlak zia kha aw, a hma lawk a kan bula hlau ve em em khan min insiamchhiat khum ta hrep mai a. Esther pawh chu ka hlau lek lek tawh mai ani. Ka thianpa lah tihngaihna hre bik hek lo, kei lah chuti bawk. Kawngkhar lam pana kan han tlan chuan Mary chuan min rawn umzui zel mai si a. A mi melh dan rapthlak zia kha, a hmel insiamchhia ai chuan khatia min melh reng kha ka mittui a tla zawih zawih thei hial. Min rawn tham thut a... to be contd.

mizo gothic story - 7th chapter

(Note: The story is purely fiction and does not, in any way, relate to the life of anyone. He thawnthu hi ka phuah liau liau ani a, mahse thawnthu dang in lo chhiar tawh nen inanna alo awm anih chuan min notify hram turin ka ngen che u. I hate plagiarism just as much as I don't want to be part of it)

                    Kan han en leh a chu hmel chu, a lo lang leh tawh lo nain tirilah min la fan reng mai. Kan nula te chu keini a mipa ai chuan an huai zawk emawni tih mai tur hi an nia, a ruk chuan ka zak ve deuh. Esther chuan ka ina tlaivar chu a rawt a, a chhan chu engemaw a thlen leh a rin vang niin ka hria (ka thianpa inah riah ka lo tum rilru deuh kha ania). Engmah chu a thleng lem rih lova, kan han ti ti pah ta a. Kan tlaivar zak mai a, engmah phei chu a thleng zui lova. Inrinni te a lo ni bawk nen ka in chu ka han ti fai vela, ka thianpa pawh chu a in lamah a phei rih a. Nula te pawh chuan zan lama rawn phei an intiam nghe nghe a, pawi ka ti lem lo hle mahni a awm ai chuan. Ka thlalak hlui te ka han phawrh a, May thlalak nalh deuh mai hi ka hmuchhuak a. Hei hi keima lak sak kha ania, la fuh ka inti hle thin. Dawrah thlalak frame ka han lei a, bangah ka tar ta vang mai a. Ka rilru chu a thar hle mai a, nunhlui ngaiin ka thinlung kha a rum ngawih ngawihin ka hre ber.

                    Tlaiah chuan ka thianpa chu a rawn phei a, a hnu deuhah Mary te thiandun pawh chu an rawn thleng phei zui ve mai bawk a. Kan han ti ti a, Mary chuan May thlalak ka tarchhuah chu a lo hmu a. A han en vang vang a, khawiah emawni a hmuh tawh thu min hrilh a. "Hetah a awm ve thin alawm, chuvang chu aniang", ti a ka han chhan chuan Mary chuan ala en zui reng thova. A ngaihtuahna chu a kal ding hle tih hi a hriat theih. Zanriah atan ka vawksa rep neihsa chu kan han hmeh a, ka eitui hlawm hle kha ania. Kan han sawi khawm leh nak nak a, a hmaa thil thleng chungchang. Chumi karah chuan Mary chuan May chanchin min lo zawt pah ve reng bawk a. May chanchin hi sawichhuah nuam ani lo nain, chutia min han zawh chuan ka sawi ta a (refer chapter 1). Pawi an tih zia te chu min han fah lawm lawm hlawm a, a nawm phah chuang lo kher mai.

                    Mary chu guest room ava lut chu keini lo ti ti chu min rawn au a. Kan va phei chuan nachina banga ka tar thlalak ngei mai kha khum chungah chuan a lo let ngat mai a. Mary hian ama lak phae ani thei lo hrim hrim a, a chhan chu khawih ni se kan hmuhpui vek ngei ang. Mak kan ti hlawm hle mai a, han sawi tur kan nei lo hlawm hle. Esther chu a rawn te chhuak ti tih deuh a, a mittui a parawl nghal bawk a. Kan han zawh chuan, a sawi chi loh ati mai a. A hnua kan zawh tak sek avang chuan hetihian a sawi ta a, "Lo haw lo la, May thlalak kan en lai khan in lo hmu ve emaw ka tia. Min rawn melh a, a nui bawk a, ka hmuhsual ani lo ka ti ngam. I bialnu hlui ani sia ka sawi lawk duh lo anih kha", tiin a sawi a. A ruk chuan ka thinrim tep naa, ka ti lang lo.

                    May hi lo hrang ni ta se, enge a chhan ni ang? tih hi zawhna lian tham tak chu ani. Mahse ani thei lo... a hrang thei lo... ani ang nunnem kha a hrang lovang... midang aniang hrang hi... bakah ka awih thei dawn chuang lo. May thlalak pawh chu ka han tar tha leh a, a hmel danglam lai chu (hlau chung chungin) hmuh tumin kan melh thap mai a. Mahse a hnua thil thleng kha kan lo en loh tlan lai tak ani. Kha frame darthlalang kha a rawn keh chuai mai a, kan phu chiang hle mai. Thlalak chu ka han la thla a, mahse kan thil hmuh chu mak kan ti tlang hle mai, min rap bawk. May chuan hnunglam alo hawi daih anih chu.... to be contd.

mizo gothic story- 6th chapter

(Note: The story is purely fiction and does not, in any way, relate to the life of anyone. He thawnthu hi ka phuah liau liau ani a, mahse thawnthu dang in lo chhiar tawh nen inanna alo awm anih chuan min notify hram turin ka ngen che u. I hate plagiarism just as much as I don't want to be part of it)

                                Chutia min rawn pan chu nikhaw hre lovin ka lo awm ani chek ang chu, ka han harh chuan chhuatah ka lo mu reng mai a. Ka tihngaihna hre lo chuan pawnah ka tlan chhuak tawp a. Engmah phei chu a thleng zui ta lem lo a, pawnah chuan ni chhuak ka nghak thleng rak mai. A tlangvala pumpa chutia han awm chu ka zak hnuhnawh viau na a, mak chu ka ti lo thei lo. Ka thianpa chu ka han hrilh a, ani pawh chuan ka thusawi chu a awih ve ta deuh aniang rawn riah chu a tum ta a. Chumi chawlhkar tawp ah chuan ka han inthiar kha, chhuatah (tile ang chi kha ania) hmel hi a lo lang a. In hriatthiam dan tur chuan he ka toilet hi European type ani a, hma lam bih thlak chiah ang vel ani a hlat zawng chu. Ka inthiar pawh chhunzawm ta lo chuan ka tho sawk sawk a (ka la inthiar hman lo) ka thianpa chu ka han ko ta a.Kan let leh chuan a hma ai khan alo dang lam tawh nasa khawp mai. A rapthlak duh kher asin. 

                                   Chu hmel awm dan chu ka la mitthla thei tun thleng hian. Ka hmuh tirh kha chuan hmel ani tih a hria theih kha ani a, kan va let leh chuan hmel chu a lang chiang kher mai (a lan dan ber ni a ka hriat chu _ hmeichhia thi tawh, a hmel pawh tawih chhe tan tawh a ang deuh ber). Ka thianpa chuan tihfai a han tum a, a nawh nasat poh leh a lang fiah tulh tulh mai lehnghal a, a rap awm zia kha. Chutah kan thin ti thawng em em tu a thleng ta- chu hmel chuan a mit tihbaiawm deuh chu a rawn khap vel. Kan te chhuak lo chauh hi ani ringawt, mahse chhuat a hmel lang vanga patling pahnih han tlanchhiat em kha chu kan tlawmngai deuh chuan ka hria. A reh mai loh avang chuan hmun hranah (inthiarna hi pathum a awm ka inluah ah hian) kan inthiar mai a, a chhan pawh hmel bula inthiar chu nuam a nuam lem lo. Pahnih kan nih vang chuan hlauh dan a nep lo kher mai. A tuk ah chuan kan han en leh a, a lo lang ta reng2 lo mai a, a mak duh kher mai. Zanriah kan ei kham, ka thianpa guest room lama a inthiar chu a rawn te chhuak vak mai a. Ka va thlen phei chuan ka thianpa chuan inthiarna chhuat chu a lo kawk ringawt a. Ka han en nak chuan hmel bawk a lo ni leh a, a hma ai chuan a fiah in a mitkhap pawh chu a rang zawk a. Ka hlau lutuk chu ka mittui hi a tla zung zung tawh mai a. Kan che vel chu min melh anih chu, a rapthlak zia kha aw. 

                                A mit khan min melh kual rek rek a, kan mitah kher min melh kha chu ka zam ngang mai. Tichuan, ka thianpa chuan Esther leh Mary te chu ava phone nghal a, anni chu zan rei tawh mah nise an rawn thleng phei ta thuai a (Mary te hian car an nei). Esther chuan a hmuh rualin, "Hman ami phei kha chu lei te min chhuah khum thin, amahin a reh leh mai zel" atia. Kan han ti ti zel hnu chuan kha hmel kha hmeichhe hmel nge niin kan hria a, tunge anih chu zawn chhuah kan rilruk ta a.

mizo gothic story- 5th chapter

(Note: The story is purely fiction and does not, in any way, relate to the life of anyone. He thawnthu hi ka phuah liau liau ani a, mahse thawnthu dang in lo chhiar tawh nen inanna alo awm anih chuan min notify hram turin ka ngen che u. I hate plagiarism just as much as I don't want to be part of it)

                                May nena kan inbiak hnuhnun bera a thil sawi kha, "Ka hmangaih che" tih hi a ni. Esther te ina kan len atang khan kar engemawzah a lo ral leh ta reng mai. Company hranah te hna tha zawk hmuh vangin ka rilru pawhin thildang a ngaihtuah hman lo ani ber. Esther te inah hian ka leng phei zeuh zeuhva, kawm an nuam hle mai. Tlaikhat ka office bang chu (ka hna thar hi day shift ani tawh a zing dar 8 atanga tlai dar 5 vel thleng ani) ka chau deuh nge ni, ka lo muhil a. Dar 9 velah ka harh hlawl chu ka sil thum mai a. Dik lo awm tlat hian ka hria a, a chhan pawh boruak chu a rit hle mai a hriatna ka neih vang pakhat niin ka hria. Ka han thu chhuak a, tukverh te pawh chu ka han hawng nain boruak chu a zang thei lo (han sawifiah mai pawh a harsa). A reh hian a reh tlawk tlawk mai a, mihring leh leh thildang thawm pawh hriat tur zuk awm miah lova. Chuti tak mai a a han reh chu a ngaihthatthlak duh loh hle . Mahse engmah a ni lovang tiin rawngbawlsan ka han tum chu, ka beng bulah tak mai hian thaw ri chiang em em mai hian ka hria a. Ka hlau kher mai a, ka tirilah min fan nasat zia kha. Thaw ri pangai nen a danglamna em em chu, asthma nei thaw ri ang hian a ri chu a awm. Ka beng bul chiahah a ni nain thaw lum huam ang hian a awm si lo kha mak ka ti bawk. Ka han hawi kual a, engmah phei chu ka hmu lo. Ka thianpa inah riah chhuah mai kha ka duh rum rum hial, a hma ang ngawt chuan ka huai ta lo chiang kher mai. Mahse inti pachang lui chungin rawng chu ka han bawl ta a, ka rilru chu a nuam chuang lo hle. 

                                A rapthlak ka tih rualin mak ka ti bawk si. Ka thianpa chu ka han phone a (ani hi chu zan lamah hna a thawh avangin va phone vel hi a inthlahrunawm thin hle) thil awmdan chu ka han hrilh a. Ani lah chuan min lo nuihsak vel mai mai lehnghal a, ka thinrim hle kha ania, mahse a awm ve tho chuan ka hria, hre ve lo tan chuan. Chaw te ka han eikham hnu chuan mut zai rel ka tum ta a. Mahse a hmaa thil thleng vang nge ka lo mut sek tawh vang chuan ka meng kur mai a. Tluzal chung chuan ka ngaihtuah zui mai mai a, a nuam duh lo hle mai. Ka lo muhil sek nge engemaw hian minti harh zawk mai a ka phu chiang kher asin. Thlan tuiin min bual nghal vek a, a chhan pawh ka hma chiahah hian mihring zia (figure) hi ka hmu tlat mai. Ka rap zia kha sawi ngaihna pawh ka hre lo. Mipa e ti lo chuan ka mittui a tla hial thei anih chu, a MAN loh theih khawp mai. A var deuh pup hian a lang a, a shape chu a inthlak reng mai a, a chang leh chhum zing ang deuh te hian a awm a. Min rawn pan hnai ta deuh deuh nen ka hlau kher mai. Ka awmna atangin feet 10 velah a awm tawh tih pawh chuan hmel leh taksa a nei lo tih a hriat theih a. A taksa (ti mai ang) chu a lang tlang theih dan chu a "feel" theih hial in ka hria. Meng chung chuan ka tawngtai zui mawlh mawlh mai a.

mizo gothic story- 4th chapter

(Note: The story is purely fiction and does not, in any way, relate to the life of anyone. He thawnthu hi ka phuah liau liau ani a, mahse thawnthu dang in lo chhiar tawh nen inanna alo awm anih chuan min notify hram turin ka ngen che u. I hate plagiarism just as much as I don't want to be part of it)

Chutia ka han zawh zawm zel takah chuan Esther chuan heti hian a sawi ta a: "Hniak kha a len loh avangin hmeichhe kehniak ni turah kan ngai ringawt a. Kan in neitute lah khan mak anti khawp mai lehnghal a, an hlau ve chuan ka hria. Chhuahsan vang vang kha kan duh a mahse inluah tur dang te a awm mai lo nen hrehawm ve duh tak chu ani. Chutah zan khat chu kan mu lai hi ke pen thawm ring tak hi kan hre thut a (Esther leh Mary te hi khum khata mu thin an ni), min tih harh chiang lutuk. Kan hlau bawk si, light kan han ti eng a engmah kan hmu si loa. Chutia kan han mu leh tur kha min bawhtu awm niawm tak hian che thei loin kan awm a. Kan tawngchhuak thei bawk si loa, hlauh nen a hrehawm duh khawp mai. A tirah chuan maimizial emaw kan ti a, mahse thawm kan hria nen kan hmehbel lo thei si loa.

Mary phei chu engmah alo sawi si loa, a tukah chuan a malpui zawng zawng hi alo duk vek mai a. Na phei chu ati em em hran lo a mahse kan hlau hle mai a. Mizo tumah dang kan hre bawk si loa, a manganthlak duh asin aw. Tichuan PG te kan han zawng a, a lo ruak hlawm bawk si lo nen hna thawk kan ni bawk si. Haw mai te kha kan duh a. Sawi ta zung zung ila he thil thlen hnu thla hnih chu he thil hian minti buai hle a. A chang phei chuan choak thi uih tawh te hi room ah alo awm ringawt a. A chang leh chokaa thil vel a tla rum rum reng bawk nen, inluah tur kan hmu hlauh bawk, kan chhuahsan ta ani", tiin a sawi a.

Ka ngaihtuah zui ta mai mai a- Engatinge an luahtirh khan engmah an hre siloa, a hnuah chauh khang thil te kha a thlen le? tiin. Mak chu ka ti ve viau mai, a chhan pawh dawt sawi hmel an pu loa, bakah ka thil hmuh te ka han belhbawm chho ta a. Ka thil hmuh kha ka hrilh ve mai mai kha Esther chuan, "Keini pawhin i inah kan awmlai khan kan hmu fo mai", ala ti zui. Mahse ka ngaihtuah let khan hmeichhe hmel ni tlat in ka hre pek a.

mizo gothic story- 3rd chapter

(Note: The story is purely fiction and does not, in any way, relate to the life of anyone. He thawnthu hi ka phuah liau liau ani a, mahse thawnthu dang in lo chhiar tawh nen inanna alo awm anih chuan min notify hram turin ka ngen che u. I hate plagiarism just as much as I don't want to be part of it)

"Ka hmu sual aniang ka taksa a chak vaklo nen", tiin ka inhnem ta hram a. Nuam chu ka ti chiah chuang lo. Ka hmuh tum loh lutuk hmu kha ka ni bawk a, ka mitthlaah hian ala cham reng. Inentir ta lem lo chuan Pathian zarah ka dam ve leh ta mai bawk a. Hna te ka han zawm a, a ngai te te in ka han nung chho leh a. Mahse a hmaa ka thianpa min hrilh kha ka hre chhuak leh thin a, zawhfiah tur dang ka hre si lo nen. Tichuan ka thianpa chu ka han zawt nawn leh ta a. Ani chuan a hma ang thoa minlo chhang chu ka dang duh bik loa. A hmaa nula pahnih luahtute kha zawn chhuah ka duh tlat mai si. Ka thianpa (a hming hi thup tura min tih avangin ka sawi loa min lo hrethiam dawn nia) chuan a hmaa lo awm tawh te zawt kual in, a tawpah nula te chu an identity leh address kan hre thei ta hlauh mai a.

Kan han be pawp a, kan veng chu alo in hlat lo hle mai lehnghal a. Ka zawh duh ber kha chu- engtin nge tuna ka luah laia an awm thin laiin a hran thin? tih hi ani. Tichuan awm leh mawi lam pawh ngaihtuah lo chuan chumi chungchanga biak ka duh thu ka hrilh tlang nghal a. An lo fel phian a mai lehnghal a. Sawi tur a tam e antih avang chuan chumi weekend lo awm turah chuan ka thianpa nen zanriah ei turin min lo sawm nghe nghe a. Nghakhlel tak chuan chumi chawlhkar chu ka han hmang zo a, nula te inah chuan kan va kal ta a. Mizo kan tlem avangin min lo lawm thiam hle a, a nuam in kan tlangnel nghal hle.

Tichuan zanriah te kan han ei kham a, topic ah chuan ka lut nghal chat mai a. Ka han zawt chiang ta a engvanga an inluah lai chhuahsan nge an nih chu. Nula te hi Mary leh Esther an ni a, Mary tak hi chu a tawng tlem hle thung. Esther chuan tihian min hrilh ta a, "Kan luah tirh kha chuan engtinmah pawh a hran em em kan hreb lo. Kumhnih vel kan awm khan a rawn hrang tan ta a. Kan thil hi a bo zeuh zeuh mai a, han rinhlelh tur an awm si loa. Tihngaihna kan hre lo chuan kan landlord kan hrilh a. Ani lah chuan eng teh ualah min lo ngaih sak lo nen a hrilhhai thlak duh asin aw. Mahse kan chhuahsan ringawt thei si loa, inluah tur te a vang si a. Mahse thil bo kha chu nep te hi alo nia.

"Mit a kan hmuh hmasak ber chu hniak ani. I choka leh pindan zau (hall) inkalpawhnaah sawn kan office bangin hniak kan hmu teuh mai a. A rawng pawh a dum tluk nghe nghe ani, tihfai pawh har tak ani. A tirah chuan misual hniak turah kan ngai a, mahse engkim a inkalh that vek avang chuan kan hlau ta deuh a. A tukah pawh chuan hniak chu a hma aia thuiin alo awm leh ringawt a. Tun tum phei chu tuna i pindan zau bang thlang lamah sawn ani. Bangah a vei kual niawm tak hian kehniak chu kan hmu ania. A rapthlak duh kher mai. A tuk leh ah phei chuan pindan zau leh bang dep room indanna bangah a kal tlang tlat mai a. Nula mai kan ni si a kan hlau hle ani. Han pun tur mai kan hre si loa", tiin Esther chuan thakhur ti tih hian a sawi a. Mahse sawi ta sa sa ka han zawt zawm leh a hniak awm dan vel chu... to be contd

mizo gothic story- 2nd chapter

(Note: The story is purely fiction and does not, in any way, relate to the life of anyone. He thawnthu hi ka phuah liau liau ani a, mahse thawnthu dang in lo chhiar tawh nen inanna alo awm anih chuan min notify hram turin ka ngen che u. I hate plagiarism just as much as I don't want to be part of it)

A tuk chu khua a thiang ang reng hle maia ka rinphak bakin.Mahse kan flight chu an delay nasa hle tho mai. Tlai dar 4 dawnah ka thlawk chhuak chauh lehnghal a, ka ning hman hle mai. Connecting flight ka miss tep lehnghal a, ka in sang phek hman hle bawk. Zan dar 10.30 velah ka thleng ta hram a. Tichuan ka thianpa inah ka han awm ve nawk nawk a thlakhat vel chhung chu. Hna te ka thawk ve ta bawk a, mahni ngeia in luah tha ka ti bawk nen, in luah tur zawngin ka vei hnem hle mai.

Chutia in zawng meuha chawlh ka la chung pawh chuan a vang hle. Tlaikhat chu vanneih a siamin ka hmu ta hlauh a, a nuam phian a room awm dan pawh. Ka room bakah room dang pakhat a awm bawk a, guest room atana ka tih deuh ani. Mahse ka rin ai daihin a luah man alo tlawm a, mak ka ti deuhin ka thiante chulai hnaia awm thin ka zawt a. Heti hian min chhang a- "Ka hrechiang chiah bik lo nain, sawi thawm hi chu a awm a. A hrang an tih vel chu ka hre fo a, a tak anih leh nih loh ka hre lo. Hmana Mizo nula 2 in an luah kha chuan a hrang antia an chhuahsan phah kha ania" a ti a. Mak chu ka ti ve tho a, mahse ka inla mipa vea bakah ka dawihzep loh vangin engteh ualah ka ngaihsak lem hlei loa.

Hna zan lamah ka thawh avangin ka haw tlai thei hle mai a. Zing dar 2 velah in hi ka thleng tlangpui ani. A tirah kha chuan in adjust pawh a har ka ti viau a, mahse ka han thawk rei ve ta deuh a, alo in adjust ve theih mai. Thian ka kawm em em loh avang leh mahni a awm nuam ti chi ka lo ni lehzel nen ka chhuak khat thin hle. Weekend ah pawh inah ka tawm chawt hi ani ber. Kum dawn alo vei ve ta a, ka thianpa sawi anga hrang kha ka la hre ve tlat pek lo. Ka ngaihtuah ve fo na in, a aia thil pawimawh in rilru ala fo reng ani.

May nen khan kan inhmangaih em em a, a boral hnu phei kha chuan hmeichhe dang hian ka rilru an luah thei lo hi ani ber mai. Khatia a inawkhlum tih ka hriat khan ka khawvel hi tih boralin a awm ve nghal ni berin ka hria. Mahse muangchangin ka in recover chho zela hun leh ni te alo liam tak zelah chuan. Ka theihghilh e ka tihna niloin, hna te pawh ka thawk thei lo alawm a hma khan. Vawikhat chu ka dam lo na angreng khawp maia, ka tlun vak maia. Ka thianpa in zanhnih min riahpuia. Hnathawk ve tho anih avangin a hman reng bik loa, ka inthlahrung nen pawi pawh ka ti vak hran lo. Chutia tlaikhat khumbeta ka mu, tukverh ka dah chhuah chuan mi kal phe vuai hi ka hmu a. Ka va en a engmah/tumah ka hmu si loa ka let leh a ka mu leh a. Chutia ka mu leh chu ka han saisir deuha bang chhak lam ka'n melh chuan mihring hmel ang deuh ruai lang hian ka hmu tlat pek a, mi rap hle mai. Mahse ka inti mipa a, ka mit vaiah ka ngai ta tho nain tiril chu a fan hle. Ka en chian leh chuan alo lang tawhn loa

mizo gothic story- the first chapter

(Note: The story is purely fiction and does not, in any way, relate to the life of anyone. He thawnthu hi ka phuah liau liau ani a, mahse thawnthu dang in lo chhiar tawh nen inanna alo awm anih chuan min notify hram turin ka ngen che u. I hate plagiarism just as much as I don't want to be part of it)

Kum 2010 kan lo chuang kai ta reng mai a. A hma zan lamah party naah ka lo in hnem deuh nge, a tuk ka tho chu ka lu ana hle nain damdawi ka ei hran lo. Tlai lamah chuan in tih harh pahin park velah ka tei mai mai a. Fur lai alo ni leh zel nen khua chu a dur deuh khup a, lung a ti zing hle. Ka hun kal tawh te ka ngaihtuah a- ka hmangaih em em, a ruang pawh hmu hman loa ka chan kha ka ngaihtuah chhuak a. Ka rilru ana thar hle ani. A inawkhlum tih chiah kha ka hriat ani a. Ram danga ka awm lai ani si a, a ruang pawh ka hmu hman ta lo kha ania. Mahse thildangin ka rilru a rawn luah ta thuaia. A tuk lawka zin tur ka ni a (he ka zinna tur hmun hi a hmaa ka sawi ka hmangaih em em ka chan takna khua ngei kha ani), han in pack vel te ka ngaih avangin ka haw ta thuaia. Zan lamah chuan ruah a sur deuh reng avang chuan a tuk flight an cancel ang tih ka hlau hle. Tichuan ka in pack zoa, zanriah pawh ei ta lem lo chuan mut zai ka rel ta a.