Kum 19 a lo ni ve ta a. La naupang hle in inhre mahse a bula a fanu thla 8 mi lo nui sen sen a hmuh chuan a rilru ala peng rang hle mai. Adrianna chuan a pasal hmangaih em em Larry TV en lai chu ava melh a. A ni chuan Adrianna lam pang chuan a rawn phei a. A hmuia fawh pah chuan, "Bawihteii hi ka lo lak chhawk ang che awm hahdam rawh" tiin Alessa chu a rawn pawm a.
Adrianna chu a han inthlak zova, thut hahdam pah chuan a naupan laite chu a ngaihtuah a. Hun harsa tam tak hmachhawn tawh a ni tih a ngaihtuah zui a. Fanu mal a ni a, kum 10 mi lek anih laia a nu leh pate'n accident vanga an boralsan te chu a ngaihtuah chhuak a. Fahrahchawmnaa a awm laite khan hmangaihtu neilovin a inhria a, rual pawh pawl ngam lovin a tawm chawt thin kha ani a.
Vawikhat chu an awmna vengah Camping a awm hlauhva. Khata a piangthar hnu khan hawikir a awm leh tawh ngai lo. A neihchhun chu Lal Isua Krista anih zia a takin a nunpuia, mi awmpuiah a tan te pawhin a rilru a tihniam hauh lo. A awmna fate lehkhabute hawh a, Open a exam a pek te khan a pass ve hlauh mai kha ania. A neihchhun Isua hnenah bak lawmthu sawina a neih loh zia te a in hrechhuak a.
Pathian hmangaihna a dawng a, a hlutzia a hria a... a theihtawpin a hmangaih let a, a nun a khawhar ngailo. Chu chauh ala ni lo. MI awmpuiah te pawh tangin awm thin mahsela, a hmelthatna piah lamah a nuna awm Isua mawina chu a nunchhuahpuia. Kha mawina lo hmutu tam tak zingah khan tuna a pasal Larry chu Pathianin inthen ngai lo turin a ppe ta ani.
Fanu duhawm tak rochun turin Pathianin an nupa mal a sawmte chu a ngaihtuah a. A tawngtai zawh chuan Alessa leh a pa chu a va zawm ve ta a.....
